到底二里頭宮城嘅佈局係點，手工業喺當時又存唔存在，呢啲問題一直都係二里頭遺址考古需要解開嘅，而社科院嘅二里頭考古工作隊近日就取得重大突破，阿史今次就同大家講一講啦！
近日考古團隊就第一次喺河南偃師二里頭遺址取得重大突破，呢個突破就係發現到製陶作坊，並且仲出土大量帶漆陶片。據了解，考古團隊係喺二里頭遺址北緣西側發掘到一座面積大而且完整嘅二里頭文化二期陶窯，係第一次發現到製陶遺存。
而且連帶出土嘅200片帶漆陶片，當中唔少成品漆器都係屬於禮器，數量甚至係歷年發掘出土帶漆陶片十倍以上，所以種種資訊都係提醒大家，呢度係一個製漆作坊。喺夯土建築附近仲搵到唔少綠松石珠、蚌珠串飾，表明遺址北緣都有唔少高規格遺存，呢次發現就有助考古學家了解深化二里頭都邑遺址聚落布局、功能分區以及重要手工業生產部門喺當時嘅布局。
原圖嚟自網絡